去完埔里花卉服務中心後, 我地繼續向出上進發, 途中經見到一個湖, 不過俾舊年嘅颱風吹咗好多泥落去, 都而家仲未ok返, 再加上好大霧同落緊好大雨, 所以唔係睇得幾清楚囉
當時真係好鬼s大雨
Charly 仲請我地食即炸嘅 wasabi 菇菇添啊, 真係好好味架, 佢話呢檔係最好味架, 同我地响逢甲食果d係唔同d架
沿路見到好多好靚嘅民宿, 不過超大霧所以冇咩點影, 大約12:00我地就去到黃慶果園了(著紅衫果位就係 Charly 了), 原本想叫佢一齊食晏架, 不過佢話有事要趕住辦所以冇食飯就走咗 lu
由於我地早到咗, 民宿靚女 Vivian 即刻叫人清理我地訂咗嘅房俾我地休息, 响等緊其間仲請我地飲茶食餅添噃
呢隻係蘋果茶嚟架, 超香, 真情好似食緊個蘋果咁架(不過我响台北搵唔到, 等我問吓 Vivian 邊度先有得賣先), d餅係牛舌餅, 好薄好脆架, 係宜蘭果邊嘅特產嚟架, 你睇4號食得幾滋味
由於出面落緊好大雨, 加上响山上高, 天氣有d凍, 不過肥糕多, 都頂得住, 就四圍
等咗一陣, vivian 就帶我地去房間了
沒有留言:
張貼留言