裝飾配件

呢期除咗畫 tole paint 外, 就係做黏土同 scrapbooking, 入咗d小配件, 放咗部份去新蝶意手藝工作室, 有興趣的可以去望吓啊

彩繪練習 - 熊谷女孩

呢個畫得好快, 前後4日已畫起, 今次呢個好似易畫過上次果幅喎, 所以相對都無咁肉酸了

天台花花記錄 (27-2-2011)

今日好好太陽, 人都精神d, 花都開得靚d啊

開得最多暫時都係朱頂蘭, 一路未停過, 今日仲見好多花菖出緊嚟, 真開心

月季就差好多了, 要幫佢地施吓肥, 催谷吓先得了

其餘仲有d雜花仔的, 好似垂筒花, 虎刺梅同家樂花咁都ok啦

我的天台花園

成個星期無見過太陽了, 今日趁個天有少少光, 上去睇吓d花

有部份月季可能淋雨淋得勁得滯, 黑腳中, 唔知救唔救得返, 不過亦有部份開緊花的

除咗月季, 朱頂亦不負所托開花了

奶黃色嘅垂筒係第一次結花苞咋, 唔知聽日開未呢

仲有呢款, 唔記得係咪叫紅松梅, 之前响台灣見過, 覺得佢好靚, 早排買咗盆, 希望佢生生性性啦

彩繪 Welcome 板

呢個 Welcome 板, 係放聖誕假期嘅練習作品, 一直拖到昨天先晝完, 仲要係晝得勁樣衰啊

如果要選最滿意同最唔滿意部份, 咁就分別係隻蝴蝶同d花了

拼貼作品 - 信插

呢個係8件自創作品內的其中一件, 老師都收咗貨話ok了

本身嘅實物好過張相, 因為有少少閃的

原本張餐紙係咁的

Happy Valentine's Day

今日係情人節, 做咗個心型吊飾, 希望所有朋友仔甜甜蜜蜜, 開開心心啦

好味朱古力

多謝朋友仔自己做嘅朱古力同西梅合桃糕, 我同4號都覺得好好味啊, 多謝晒

義賣品

呢幾日年假, 除咗鈎頸巾就係貼嘢, 做咗呢幾件要嚟俾朋友仔12號攞去義賣的, 希望能幫到少少忙啦

另外仲有部份放咗响公司, 到時攞埋俾你啦

暖綿綿行動 - 2

呢幾日假期係咁密密鈎, 希望可以鈎多幾條啦, 暫時鈎到第四條

第2條

第3條

第4條

如果有朋友仔有興趣参興「暖綿綿」嘅而又想知多的話, 可以聯絡我朋友仔 - 小灰灰

朱頂賀歲

今天大年初二, 先祝各朋友仔萬事如意, 龍馬精神, 男的英俊靚仔, 女的貌美如花

原來不知不覺間, 有好幾款朱頂也出來賀歲了