參觀酒廠係唔使錢架, 下次經過不妨去睇吓啦, 下面係酒類百問, 不過我好似冇邊條係識的
睇吓d酒埕, 有好多個架, 仲有條酒埕隧道添架
又有教你點釀酒, 不過我估唔會有人响屋企整啩
飲醉酒又點呢, 原來有分好多種架, 唔知我係邊種呢
多得警衛叔叔幫手, 我地參觀完之後就响酒廠門口搭國光直返台北了, 不過都幾貴架, 要NT$380位架, 不過一路落雨, 貴d但唔使中途轉車咁麻煩, 咩都抵返啦
大約三個幾鐘後, 我地就返到台北車站, 跟住轉返捷運去西門町了. 原來而家d悠遊咭要3個月後退咭先唔收手續費架, 如果唔係要俾NT$20的
行完返去房, 4號驚今日嘅早餐唔係好啱胃口(因為今日係中式早餐), 所以食定杯麵喎, 咁橫掂買咗費事拎咪尤佢食囉, 不過真係幾好味架, 食完杯麵之後就去食靚女老闆娘為我地預備嘅早點了, 都幾多嘢食架, 有粥, 有菜, 有荷包旦, 肉鬆同麵筋
仲有咖啡飲架
除咗d嘢好食之外, 佢嘅裝修都好骨子架
食完早餐之後我地咪返房執行理預備搭10:30嘅公車落埔里囉, 正當我地執緊嘢嘅時候, 有人敲門, 開門見到黃小姐, 佢話佢先生(何生)會車我地去埔里行吓喎, 我地初頭都話咁好似唔係咁好意思, 但靚女話唔緊要, 反正會出車, 咁我地就搭咗何生嘅順風車去埔里了, 臨走仲送咗d小百合頭俾我啊, 不過仲有幾日先返香港, 希望到時ok啦
有順風車搭, 咁我沿2又可以影吓d雲海了
約莫一個鐘, 我地就同清境講 bye bye
一早起身, 場長命雨都仲未落完, 咁無理由去玩淨係lee响間房入面架, 所以決定冒雨出去行吓
先睇吓間屋出面嘅景色, 真係好靚架
去到民宿門口, d裝飾好得意, 隻門鐘係隻啄木鳥嚟架
掛响民宿門口嘅雀雀, 擺晒 post 俾我影架
行過d有個小亭, 仲睇到雲海呀
行咗一陣, 我地就返去預備食早餐了
既然唔食羊奶火鍋, 咁我地咪決定再去返小瑞士花園囉, 反正今日冇咩雨, 不過入到去我覺得唔係好值, 門票好似要NT$120, 冇咩嘢睇, d花好普通囉
可能落雨, 加上個頭真係好痛, 又嘔咗幾次, 4號話唔好行了, 就call vivian 過嚟接我地返去, 返到民宿攞行理後就送我地去另一間民宿 - 星光流域, 因為佢話我呢d係高山反應, 就特登去搵民宿主人話佢知我嘅情況, 真係要多謝 vivian 嘅細心和幫忙呀
去到民宿, 未俾錢又未登記, 佢就帶我地去房間了, 入到房, 我2話不說就吃咗2粒糖仔(必理痛), 跟住瞓覺, 瞓咗2個鐘後先落去食晚餐, 其實好豐富架, 不過個頭仲係好痛, 果頭食, 果頭嘔, 所以成餐都食得好少咋
其實真係好好味架, 有金針湯, 清炒高麗菜, 高麗菜包肉碎, 刺蔥豆腐同炒鹿肉, 仲有西瓜做飯後果添噃
果刺蔥豆腐超正, 好香好好食, 我咁唔舒服都食咗3粒啊, 呢個係我強力推薦嘅菜式, 有機會要再去食過
民宿女主人黃小姐見我仲頭痛, 沖咗杯 expresso 俾我, 佢話飲杯咖啡會好d架, 原來係真架, 飲咗真係痛少咗架
卒之可以睇清楚間房 lu, 原來好正架, 有2層, 其實可以住4人架
黃小姐仲插咗d小百合响房添啊
睇完個show, 我地去巿閘買咗d零食, 有炭燒山豬肉腸同擺夷夾心豆干
仲有食咗羊奶雪條, 羊奶銅鑼燒等, 不過掛住食同有d頭痛, 都冇影到 lu, 佢地都無咩蘇味架, yummy
去到農場另一面, 好明顯少人好多, 可能唔係重點項目啦, 不過見到好多山羊bb喎
跟住指示牌係咁行, 去到睇蝴蝶, 不過好倦同個頭仲係好痛, 所以我冇咩睇蝴蝶, 淨係睇咗d兔仔咋
我地行行吓就行到去食羊奶火鍋果邊, 原本都想食架, 不過頭痛冇咩胃口, 加上 Charly & Vivian 都話麻麻地, 咁所以我地最後冇試到啊
