白色外套99%完成了

釘埋d鈕就著得lu, 白色配白色閃線鈎的, 希望著出嚟唔會太肥啦

白色風雨蘭開花了

呢棵風雨蘭如果冇記錯應該係義賣時買返嚟的, 根本唔知佢係咩色

, 現家開咗第一朵花, 仲係我鍾意嘅白色, 我又點會唔開心呢

同場加映嘅係黃蟬, 呢粒箭豬頭唔知係咪佢嘅種子呢 ? 又唔知幾時可以採收呢 ?？？？？

呢期發傻咁買線

多謝 Nicole 幫忙,佢幫我買咗好多線, 睇怕真係有排織 lu, 完咗手頭件白色外套, 希望可以織返件衫仔啦

各位觀眾, 睇吓我嘅戰利品

係咪好勁呢, 好彩4號唔知我買咗咁多線咋, 如果唔係又多隻黑天鵝了

颱風過後之天台災情

星期五掛咗8號, 跟住再轉9號風球

, 都知 big pan o架喇, 所以將d掛牆嘅花搬咗去平台, 唸住叫做有嘢遮吓啦, 但勢估唔到d風大到連個架都吹跌埋,

成果架瞓咗落d花度, 塊擋風帆布已經搵張枱壓住都成幅吹起

, 好彩折得切, 如果唔係分分鐘連張枱都吹埋

今次隻鸚鵡

超大風但就唔係好多雨水, 相反上次果北冕就超大雨

, 淋到d花根本去唔切水, 個花盆變咗水盆. 今次呢成地都係垃圾, 咁樹葉, 廢紙, 膠袋呢d就梗係唔少得啦, 真係掃地

到掃到手軟啊

都8月尾立咗秋啦, 唔知今年仲有冇風打呢, 花花

喇

8月第2個風了

雖然而家仲係1號波, 但聽講呢個

鸚鵡好似好勁咁, 話有機會掛到10號添, 唔知真定假呢

人真係好奇怪, 好想打得成風多日假

, 但又怕d花被雨淋到死晒

, 同時又鄧果d打風落雨

都要返工/要去睇醫生嘅人慘.

唉!一句講晒 ....... 都唔知自己想點

 

桃紅色外套

其實呢件衫都鈎好咗幾日, 不過總係扲唔起心機幫佢影相, 所以遲遲未有得見人

自己最鍾意個袖口, 好似唔使咁悶咁

如果需要編圖的話我知啦(編圖是由網友文奇花提供的), 我唸佢唔介意共享的

8月14-15日的惠州海濱溫泉之旅(二)

8月15日, 都係天朗氣清嘅一天,我地8點就起身落去食早餐了, package 係包咗我地嘅早餐的, 食物方面有 :-

茶乾排骨粥一煲 / 蒸茶肉飽2隻 / 炒青菜一大碟 / 煎蛋腸粉一碟 / 煎芝麻糕2件 / 芋蓉酥2件

其實真係好夠食, 但係4號發揮佢早餐焚化爐嘅威力, 我地另外叫咗鳳爪, 牛肉球, 及第粥同煎韮菜餃, 原本仲有义燒飽同蝦餃, 但因為太晏賣晒了

,其中個煎餃超好食, 皮薄, 餡多, 香脆, 最重要係冇肥淋淋

埋單32蚊

食完咁多嘢梗係要去散吓步啦, 如果唔係一定變咗一條大黑豬

, 我地行吓行吓就去到湖邊, 都幾舒服

抖咗一輪4號話去浸多轉, 可能 local 團已經走咗, 都係我地包場, 咁 hea 咗粒幾鐘之後就返房洗頭沖涼準備 check out 了

由於架車14:40先到, 我地放低行李响 counter 之後就去食飯 lu, 果度d蓮花好靚架

影咗幾張相之後我地當然繼續發揮我地超強嘅食力, 叫咗蒸雞半隻, 胡椒朱肚煲同超好味嘅蒜蓉炒豆角同埋半打金銀曼頭, 盛惠97蚊

果炸曼頭其實係後加的, 因1為之前有個 blog 友話曼頭好好食, 所以臨走前點都要試吓, d皮炸到脆卜卜, 唔係作大, 淨聽聲以為食緊薯片

蒸雞好有水準, 可能係品種嘅關係, 真係好有雞味, 加上佢用冬菇紅棗蓉同d唔知咩蔘片一齊蒸, 好好食. 如果鍾意食白果的就真係要試果胡椒朱肚煲, 淨係白果都有成2.3拾粒, 果湯都好味, 但朱肚略嫌"un"咗d

食完飯架車未到, 就响酒店度影吓相

2:40分, 架車到咗, 咁就結束咗我2天嘅生日之旅了

總括而言, 我覺得咁嘅價錢, 咁嘅質素係值的, 亦可能係我地要求唔高, 只係食同瞓, 所以都幾 enjoy

 

 

8月14-15日的惠州海濱溫泉之旅(一)

8月14日 天朗氣清, 晨早6:30就起身準備我嘅旅行了, 梳洗完之後, 預備食物俾我隻狗皇帝食, 平時佢朝早唔食嘢的, 唔知係咪知道唔食就要捱肚餓, 居然食晒喎, 跟住就上天台幫d花

由於9:00要去到九龍塘搭車, 好快咁食完個早餐搭地鐵出發了

, 由於架車仲要去粉嶺接其他客人, 過完沙頭角關都已經10:30了, 中途架車仲响咗棕櫊島同金海灣落客, 所以去到酒店check in 完都差唔多13:00了

 

由於4號驚地下有蚊同熱, 所以我地要咗2樓望山嘅房, 露台望出去就係呢個小山丘

放低嘢之後梗係去醫肚啦, 我地叫咗豉汁蒸排骨, 蒜蓉炒豆角同蠔仔煎蛋 正 排骨有豬肉味, 蛋有蛋味(好似飲食節目d評述, 但係真的), 最驚喜的是炒豆角, d豆角超嫩, 一d都冇渣, 好好食, 加埋兩個飯都係71蚊咋

食飽飽之後我地返房休息一陳之後到就去浸溫泉

, 其實果日都晒, 但困度好好風, 只係有d泉水比較熱冇浸到, 其他都好乾淨, 人好少, 只係間中先見到幾個人, 毛巾亦都好充足, 唯一唔好的是水上樂園條滑梯要去到話玩佢先泵水上嚟同埋玩完要自己行返上去攞返對拖鞋

因為冇帶相機入溫泉, 所以下面d相係响外面影入溫泉的

漏完一輪之後就返房沖涼洗頭, 不過唔知點解d水係鹹的, 所以個頭洗完d頭髮變得有d硬, 呢個亦係佢失敗之處, 可能漏完溫泉有d倦所以亦小睡了片刻先去食晚飯.我地嘅晚餐好豐富啊, 有半隻白切雞, 煎釀三寶, 砵仔肉, 甜品有煎嘅芝麻糕同蒸嘅紅棗糕, 生果就係送的起沙西瓜, 埋單都係117蚊. 個人覺得隻雞好好食, 一d肥膏都冇, 連皮有d脆口, 煎釀三寶有少少辣, 好嘢味, 最唔鐘意係砵仔肉, 因為好肥, 不過4號就好鍾意, 佢話好香, d肥肉唔"漏".芝麻糕好似馬蹄糕咁, 不太驚喜, 紅棗糕酦酦甜甜, 好好食, 仲可以一層層咁"meat"嚟食

食完飯休息一輪梗係去漏多轉溫泉啦, 但可能有 local 團到咗, 相對日頭就多咗人, 但所謂人多都係果小貓幾隻, 即係日頭我地包池, 夜晚有兩三個人一齊 share 囉, 原本想去做

的, 但4號唔想做所以就返房睇奧運了