韓國賞楓之旅 Day 3

轉眼就到第3日了, 我地一早就乘KTX去井邑
到井邑後就去Tourist Information Counter, 請佢地幫手搵住宿
佢地幫我聯絡咗New Prince, 呢間好多香港人住, 老闆娘識講國語, 房間設備亦好好, 雖然較其他的貴, 但我覺得值得的

放低嘢後我地就去買車飛去白羊寺, 跟住去咗醫肚, 由於D鎖匙文我一D都唔識, 响到唸緊食咩時, 有2個香港嚟嘅美少女, 琪琪和阿君, 話我地知呢間舖有中文同英文的MENU, 真好啊
食飽後我地就去車站準備去白羊寺, 點知又撞返琪琪和阿君, 仲有另外3個香港人, 奶媽, 梅姐和嘉誠哥, 另外仲有2個女士, 就係咁, 我地9個人呢2日就一齊去咗白羊寺和內蔵山了
先要到四街里轉車

等咗唔夠半小時, 就有車去白羊寺了
紅葉好靚, 可惜無陽光, 唔係一定靚到爆的

 

遊完白羊寺, 我地仲一齊去咗食鴨, 原來韓國唔係咁多地方有鴨食, 間舖原本都話無貨, 不過我地9個人佢地先肯即刻叫人送嚟咋, 真有口褔 

食飽後我地去咗個巿場買生果, 仲有其他雜貨賣

韓國賞楓之旅 Day 2

今日只去南怡島同晨靜樹木園, 夜晚約咗阿MAY响東大門食晚飯, 再去時裝批發時場, 都好充實啊
由於昨天己經去咗龍山攞ITX飛, 今朝去到車站就直接上車了

去到加平, 趕得上SHUTTLE BUS去南怡島, 跟住搭船入去

 

搭船半粒鐘唔使就到了

响個島四圍行

撞啱佢地有個米糕節鐘年糕, 即整即食

行完南怡島去醫肚, 食炒雞

之後繼續搭SHUTTLE BUS去晨靜樹木園, 但係勁塞車, 仲要迫滿人, 好彩去到小王子有好多人落車有位坐咗
晨靜樹木園, 超靚, 雖然落雨, 無減佢嘅美麗啊

仲有佢溫室入面, 雖然細, 但佢嘅花都好靚

5點搭返SHUTTLE BUS去清平搭地鐵去東大門, 因為阿MAY去入貨, 約埋一齊食飯
由於行咗成日, 未夠鐘去咗食雪糕, 韓國雪糕真係好味道, 連咖啡杯都靚D架

去到東大門見到阿MAY時, 勁大雨, 把遮都爛埋, 即時買返把, 如果唔係2個人一把肯定濕晒, 真好彩
之後去咗食燒肉, 食完仲去咗時裝批發場, 有D好靚架, 不過真係倦, 加上明朝一早要去井邑, 買咗件衫就走了, 希望下次可以同阿MAY再去過