聖誕正日, 4號要返工, 咁我起身咪唸住去 spotlight 掃吓貨囉, 唸住佢平時11點開, 去到11:30仲未開, 原來25&26都開12:00, 等咗成半個鐘, 好彩都買到嘢, 如果唔係實激死我啫
我買咗2 pack bb 冷 , 6個杏色幼線, 5個淺粉藍幼線, 5個黑色閃閃棉線
仲有11支做拼貼嘅sealer, varnish, acrylic paint ($55)
咁都未夠, 仲買咗2 pack 葉模, 1包書籤, 2塊圓版, 3張 stencil 印模, 咁就盛惠6百幾蚊了, 又話3折, 點解我可以買到咁多錢架
話說排隊比錢時發生小插曲, 前面有對夫婦, 攞咗人地舖頭賣嘅紙袋嚟裝貨, 咁收銀姐姐梗係要計埋個紙袋錢啦. 個男人就發爛渣話, 以下對話真係幾搞笑, 盡顥香港人嘅投訴文化
男 : 個紙袋係响地下執的, 唔係你地嘅, 有咩理由要收我錢
收銀 : 如果唔要咁我扣返起啦
男 : 咁多嘢我搵咩裝呀, 你地d膠袋咁薄又易爛
收銀 : 先生, 咁你即係要定唔要呀
男 : 個袋唔係你地架, 係我執的, 仲咩要俾錢呀, 你咩態度呀, 我係客嚟喎 (聲線提高8度)
收銀 : 我知你係客, 但個場嘅貨俾客人掉咗落地我地都冇辦法架, 成個地下都貨啦, 咁唔同全部唔使錢咩
男 : 總之我唔理, 個袋係我執架, 你要俾返我
收銀 : 咁即係唔要啦, 下位請上嚟 (將佢d貨叫人擺返去貨架)
男 : 你咁即係點呀, 我要投訴你呀 (態度囂張到極點)
收銀 : 先生, 你要投訢都冇辦法架, 不過要快了, 31號前好投訴吖 (開始嬲)
男 : 你個仆X XX剷, 你個XX(粗口), 睇你幾時仆X, 下刪數十字, 咁我求先d貨點呀, 你要搵人攞返俾我呀, 我排咗咁耐, 你而家玩我呀, 我又冇話唔要, 你個臭八.......
收銀 : (開始還拖) 係呀, 我就快仆X了, 下一位唔該
你話d人幾野蠻呀, 明明自己唔啱, 仲要聲大夾惡要投訴, 佢地己經面臨失業, 仲要俾人咁鬧法, 係話咩世界呀
你都買了很多野, 我有朋友去到買唔到野, 個個男人好野蠻, 就算是在地下執都是人地公司財物, 要就要比錢啦, 個個收銀無錯, 如果貨品重, 佢地會幫你打孖入兩個袋, 都好安全, 想八卦下, 最後有無比反貨個野蠻人或是個野蠻人就甘走左去。
回覆刪除[版主回覆12/27/2009 14:04:00]梗係冇, 個男人好無引咁走咗囉, 我地排後面的咪佢男人中佢都算衰格囉
收穫不少呀!仲有11支做拼貼嘅sealer, varnish, 請問這些是甚麼?
回覆刪除[版主回覆12/27/2009 14:01:00]sealer - 底劑
varnish - 光油
一定會很miss spotlight, 在那裡買了拼布袋的布料,剛做完就收到它結業的消息。可惜!第一次到spotlight好興奮!希望不久再有類似的shop.
回覆刪除[版主回覆12/27/2009 21:34:00]呢類舖頭响香港好難做架, 香港地手作嘢邊值錢架, 佢捱到咁耐都好好了
25日我都有去,但見唔到呢幕..........我買的好多件貨都係地執起咋!
回覆刪除個sales做得好, 對d咁既人 (不是人), 一絕,等佢乜都買唔到.
[版主回覆12/28/2009 07:36:00]我都係咁話, 抵佢c
個男人真衰格! 我去左3次, 買左$3xxx布, 不過仲未諗到點用
回覆刪除[版主回覆12/28/2009 07:36:00]我只係25號過咋, 如果去多幾次我估成屋都係冷囉
好多正野喎,個賤男抵比個收銀罵
回覆刪除[版主回覆12/28/2009 20:29:00]其實唔係好多嘢咋, 一個環保袋都裝得晒
我之前去過,
回覆刪除得八折咋,但都買咗好多野。
請問現在是否全部三折?
係咪仲有野賣呢?
我都考慮再去掃一次呢。
[版主回覆12/28/2009 20:15:00]全部3折, 不過可以掃嘅都差唔多俾人掃晒
我覺得近近地可以去望吓, 如果好似我咁遠就無謂了
wah...咁都得?! 佢都有病既...執都有barcode 啦, 埶有咁靚既紙袋既....影衰晒
回覆刪除我好鍾意收銀的reply...正!
[版主回覆12/30/2009 08:00:00]係呀, 個收銀真係答得好好, 遇到呢d所謂客, 真係唔可以退縮架
我22/12去完全買唔到野. 會唔會係. 我下午先去. 所以比人掃哂.
回覆刪除[版主回覆12/30/2009 07:56:00]我25號去真係所餘無幾lu, 22號應該都冇咩剩
個男人真係好野蠻!很替那個收銀難過,面臨失業仲比D(無賴)鬧!希望她能盡快揾到新的工作!
回覆刪除[版主回覆12/30/2009 07:55:00]呢d咪係聲大夾惡囉, 完全唔覺得自己有錯