陪咗我20年嘅阿仔, 响今晚我放工返嚟就走咗了, 佢已經唔係一隻狗, 係我嘅親人
雖然我明白知道佢咁老已經係一個奇蹟, 但發生咗我始終好唔捨得, 點解佢唔等我返嚟俾我見最後一次, 我真係好唔捨得
我呢幾日睇住阿仔身體越嚟越差, 星期日抱住佢先食咗幾粒雞肉, 尋日嘢又唔食, 水又唔飲, 連企起身都冇力, 我已經知道阿仔唔擺得好耐, 但無唸過咁快囉
阿仔, 你安息啦, 我知你係唔想俾我見住你去, 但我真係好掛住你, 你去到另一個世界要保重啊, 我照顧唔到你
佢唔係一隻狗, 係我嘅親人, 一個陪住我成長嘅親人
永別了
阿仔大過哪!在那處唔會覺得凍,覺得餓,覺得痛,一點也不會辛苦.最緊要佢會在那處靜靜乖乖的看着你!
回覆刪除[版主回覆01/15/2009 07:55:00]我知架, 佢好聽話架, 我臨返工同佢講, 叫佢辛苦就走啦, 唔使陪我, 唔使理我架, 佢仲識得望住我架
他是什麼狗呢?? 廿歲就係好厲害呀!
回覆刪除[版主回覆01/15/2009 07:51:00]佢係松鼠
唔好咁傷心啦 ! 明既明既 !
回覆刪除我家小雪 都應該呢 1 -2 日都會走啦 !
[版主回覆01/15/2009 07:50:00]如果明知佢會走就叫佢走啦, 佢會好辛苦架, 走咗佢會舒服d
唔好咁傷心啦
回覆刪除[版主回覆01/15/2009 07:49:00]放心, 我冇事架, 多謝你
唔好傷心啦！阿仔都唔想見到你傷心的樣子！你只要記住同佢一起生活的日子，佢就會滿足架啦！
回覆刪除[版主回覆01/15/2009 07:49:00]我知, 我今日好好多了, 阿仔只係用另一個形式陪我姐
亞仔爺爺，我和你見過面架啦，雖然你去咗第二度玩，唔會再見到你，但係我會記住你個爺爺樣架。
回覆刪除[版主回覆01/15/2009 07:48:00]我估阿仔都會記得你架
唔知講咩好, 希望你早日釋懷.
回覆刪除要相信, 難過的日子總會過去的, 新的一天, 即將來臨.
[版主回覆01/15/2009 07:47:00]其實我知架, 不過一時間未能接受佢要走嘅實情姐
狗狗係唔會比主人睇到佢走o架, 我都試過, 真係好唔捨得. 佢臨走時專登入咗廚房, 但見佢孤零零好悽涼, 所以抱番入屋, 睇住佢斷氣, 又幫唔到手, 真係好心痛. 不過都要講名句老套說話<節哀順變>.
回覆刪除[版主回覆01/15/2009 07:47:00]阿仔係我返工期間走架, 我知佢唔想我見住佢走
我都知道一定好唔捨得,我以前果隻都係咁,永遠懷念
回覆刪除[版主回覆01/15/2009 23:00:00]好唔捨得, 不過對佢嚟講係件好事嚟
昨日獸醫問我點 , 可以一針 ...... 可以試吓吊水 ....留院 ! 等都係唔忍心 - 比多 3 日佢 , 佢先已決定啦 !
回覆刪除[版主回覆01/15/2009 23:00:00]只要佢唔辛苦就得了
今日見佢見到人又有反應 , 真係唔忍心!
回覆刪除http://hk.myblog.yahoo.com/carlong2002/article?mid=33177&prev=33179&next=33052
[版主回覆01/19/2009 07:04:00]祝佢幸褔快樂
Hello my friend~~ 你今日好嗎 新年就嚟到喇, Kitty祝你2009牛年快樂,新一年萬事如意,身體健康
回覆刪除別傷心太久,take care。20年確係好長嘅日子,佢一定會長在你心裏
回覆刪除[版主回覆01/19/2009 07:05:00]係, 阿仔只係換咗個形式姐, 佢永遠都係我阿仔
讓阿仔安息吧! 當年我的貓貓走時我都花了一段時間平靜心靈, 也從當時起不再養寵物, 為怕再面對那一刻離別。
回覆刪除[版主回覆01/19/2009 07:07:00]心情平靜了, 因為知道阿仔唔想我唔開心, 我要同以前一樣, 日日都開心
(Empty)
回覆刪除(Empty)
回覆刪除哎呀, 我也是養 松鼠狗的, 是 POM 迷, 我以前去了的松松也活到十九歲呀, 所以我會感受到你對阿仔的懷念呢!
回覆刪除我的 POM 相也有在 blog!
[版主回覆01/21/2009 19:05:00]阿仔仍然活响我心裏的
我隻mom mom都走咗五年, 但我都仍然好掛住佢, 佢都係一隻松鼠狗.
回覆刪除[版主回覆03/20/2009 19:31:00]我而家都仲係好掛住佢, 不過我知佢都會掛住我架
係噃, 你仲想唔想收養小蘆薈啊