高雄墾丁之旅 Day 5

今日要離開85大樓, 食完早餐就退房換酒店

除非全部搭的士, 如果唔係85大樓交通真係無咁方便, 換返間近捷運站嘅酒店方便d, 酒店就响美麗島站, 經過影吓相

之後出發到台南

先去度小月醫肚, 試咗擔仔面和冬菇肉燥飯

行吓赤崁樓

原本想去億載金城, 不過見有雨先去安平古堡

點知雨越落越大, 唯有走人, 好在7仔有遮賣, 不過雨大到好似黑雨咁, 有遮都濕晒, 唯有去食嘢避吓雨啦

周氏蝦捲-蝦捲和海鮮餅

安平豆花-綜合豆花和招牌豆花

由於大雨又天黑, 所以決定早d返高雄, 不過天雨關係, 我地响台南勁塞車, 足足塞咗粒幾鐘先返到火車站, 唸住買自強號返去, 不過票姐姐話自強號會 delay, 叫我改搭莒光號, 照剎

返到高雄雨依然咁大, 返夜店換衫先, 跟住去咗六合求期食咗d嘢醫肚就算了

高雄墾丁之旅 Day 4 - Part 3

繼續睇魚魚

食埋嘢司機就已經嚟到接我地返高雄, 連d敗家手信店都未行就真正要離開墾丁了

返到高雄入住85大樓, 房間ok啦, 不過真係唔太就腳, 不過view ok 架

之後行下三多商圈, 發現附近一間賣布的, 超多款, 好彩拼布我未中毒, 唔係又s得, 大遠百門外有好多 cutie 公仔, 都幾盞架

去完就去食牛老大, 佢地嘅牛肉真係好有牛味

除咗牛肉外, 我地仲食咗牛舌冷盤, 又爽又正, 可能真係夠新鮮啩

之後去咗瑞豐夜巿, 好多人, 好多嘢食, 多嘢行過六合, 加埋附近有間9x9(賣文具的), 如果唔係咁倦, 行足一晚都唔夠啊

高雄墾丁之旅 Day 4 - Part 2

跟住睇魚同珊瑚, 由於之於浮潛時見到好多魚同珊瑚, 而家再睇返份外興奮

高雄墾丁之旅 Day 4 - Part 1

今日要離開墾丁了, 好唔捨得, 希望快d又可以去玩過啦
今朝一早搭車去海生館, 經過恆春, 發覺日頭同傍晚嘅景色都好唔同

到咗海生館了, 今日陽光仲正, 可惜book咗高雄房, 唔係實响墾丁潛多次呀

呢個招牌鯨魚, 梗要嚟返張到此一遊啦

入口好似一隻馬仔低頭食嘢咁, 其他景色都好靚

入到去, 先去睇企鵝

跟住睇海豹