爭秋套暑下嘅花花

呢d天氣都已經唔唸住有好多花睇, 但而家簡直可以用慘不忍睹嚟形容我個天台

玫瑰唔知嘢咗咩菌, 搞到d葉枯晒, 所以俾我剪晒d葉, 而家變咗光禿禿; 長春花都叫晒得下架啦, 但都曬到變咗捲葉長春花; 小玲仲衰, 全部燶晒

真係慘慘慘

唯有開得靚嘅係沙玫, 真係不枉佢叫沙漠玫瑰

唸住太陽花頂得吓, 不過都係得闊葉嚟2盆好dd咋, 針葉都曬到好乾呀

發傻咁整拼貼嘢

今朝同老豆老媽子嘆完早茶, 去咗吉吉島掃貨, 好似發咗癲咁入咗好多貨, 返到屋企急不及待咁就開工了

清清地嘅茄瓜形碟

金光燦爛嘅天使碟

花呢花碌嘅小花瓶(預備要嚟插新做嘅小菊花)

加咗d花嘅托盤(因為d同事話太plain喎)

如果想對比返個托盤, 可以睇呢度

又有新搞作

吉吉島買嘅10蚊玩意, 見佢有成10面可以貼嘢, 買咗個返嚟玩, 整起好有古舊 feel 喎

不過d邊收得唔好, 要省過再油呀

迷你筆插制作法

响網度跟好多 blog 友學咗點做拼貼, 我都嘗試做返d資料, 各位有興趣的可以試吓做架, 真係好簡單, 好好玩架

今次玩嘅係迷你筆插

材料 : 拼貼用餐紙, 剪刀, 拼貼用膠水, 保護劑, 海綿/油掃, 壓克力油(冇都得)

先預備好所需嘅餐紙, 今次我選用咗玫瑰圖案

將所需圖案剪咗出嚟, 去咗最底個2層紙, 即係有圖案的一層留嚟備用(好似 tempo 紙巾咁搣咗最底果2層)

將膠水倒入器皿中備用, 要用海綿或者畫筆擦膠水

先掃少許膠水上筆插, 再放餐紙上去, 用海綿印d膠水上去張餐紙, 等佢同筆插黏合, 如果驚做得唔好, 可以先做一面, 待乾透好再做另一面(想佢快d乾可以用風筒吹吓)

要泣意唔好咁大力, 要輕手d, 因張餐紙好易爛架

之後可除意加上壓克力油, 我今次用咗金色, 亦係用海綿點少少色, 再慢慢印上筆插度, 乾透後要就要塗保護劑, 一般我會薄薄地咁擦3層的

因為做時冇影相, 所以可能唔係咁清楚架

 

再嚟 Decoupage 作品

今日勁傷風加喉嚨痛, 食咗2轉藥瞓到成5點先起身, 唔想再瞓住, 於是幫d作品影咗相

玻璃碟仔

玻璃碗一

玻璃碗二

迷你筆插

鹽的另類用途

偶然在網絡上看到的, 唔知係咪真嘅呢 ?

1. 使蠟燭光亮和耐用 - 燃點蠟燭時在燭心附近放一些鹽, 這樣能使燭火更為明, 蠟燭融化較慢和燃燒時間較長

2. 食荔枝不起火 - 將荔枝的枝葉清除後, 連殼放鹽水中浸30分鐘, 沖洗後放冰箱2小時, 咁就多吃都唔會上火喎

3. BBQ時"升火" - 用報紙包著食鹽. 放進火堆中, 能增強火力和減少煙霧

4. 輕鬆除雜草 - 在雜草叢生的地上灑上大把食鹽, 可遏止雜草嘅生長, 不過唔係一 TAKE OK, 要做幾次架

5. 鹽水煮飯 - 將鹽水和洗淨嘅米放入飯煲, 咁様煮出嚟嘅飯會鬆D同軟D

6. 防止濺油 - 在熱鍋中放下少許鹽可防止熱油飛濺, 而且菜也不會燒焦

7. 去除煙漬和茶垢 - 可以在煙灰缸和茶杯內灑一點鹽, 再以軟木塞當抺布擦拭污垢, 可以有效除去污漬

8. 海綿還原法 - 將使用過嘅海綿洗淨後浸入冷鹽水中, 可使變形嘅海綿恢復原形

我有同事用過方法2, 不過有人OK, 有人唔OK的, 睇怕都人因人而異的

拼貼作品

手痕整咗個鐘仔同個托盆, 好鍾意托盆嘅天使呀

鐘仔, 空白位太細, 所以整得好小嘢

托盆用咗天使放入面, 薰衣草花束放出面, 但好似好 plain 咁