月見草開花啦

今朝一早起身唸住洗衫衫, 點知見到棵月見草開咗朵黃花喎, 呢棵苗仔係花友送的, 花友話佢夜晚先開花, 所以才叫做月見草的, 可能今朝我夠早未謝所以影到佢嘅花容

你地睇吓佢幾靚

仲有d花蕾, 唔知幾時開呢 ?

另外星期五出咗花墟, 我呢個狂物購又點會空手而回啊, 呢d係我新買唬花花

雀仔花

龍船花

仲有一棵唔記得係咩橡樹

我的花仔

種花真好, 每朝都有新嘅花花開出嚟, 見到佢地不斷生長, 真係人都開心d啊

松葉牡丹

野花仔 - 通泉草

紅白色嘅大紅花

只係得幾粒花仔嘅家樂花

黑色外套完成了

唔知係咪人老咗, 鈎黑色真係對眼倦好多, 所以呢件外套都鈎咗好耐了, 今晚卒之完工了, 星期一有新衫著了

有花開 lu

今日短週, 原本可以瞓晏d, 但唔知點解晨早6點幾就肚痛, 經過幾次排痛之後就瞓唔返了, 上去洗落機衫見d花花開咗, 就幫佢地留個影, 拍個照吧

另外花人送我個苗仔同球仔已在努力生長中 lu

(呢棵好似係西番蓮)

呢棵係朝顏, 但唔知係咩色 ?

呢幾條蔥嘅物體其實係黃色風雨蘭, 不過暫時未開過花

今次發傻買鞋

因為我最愛嘅 Staccato 開倉, 所以一放工即刻同 ling ling 去掃貨, 見到d咁靚嘅鞋, 我梗係發咗癲咁買啦, 呢d就係我嘅戰利品了

超特平, 只餘 one & only one, 盛惠$50

鍾意呢對個鞋踭, 好有馬賽克 feel, 要 $150

呢對之前正價時買了對淨色的, 當時要$800, 而家只係 $150

呢度都係 one & only one, $100

呢對係全部之中最貴的, 原價要$2000, 而家開倉都要$350, 不過一著上腳, 好貼腳, d石好閃, 所以二話不說 ... 買咗

呢d就係開倉嘅資料

From 17/7 to 21/7/2008
Tseun Wan MTR Exit C/ Hoi Shing Rd, I-cable TV building  19/F

Cash only
Mon-Fri 11am-2pm, 5pm-7pm
Sat 11am-3pm

花花近貌

呢倫都冇咩理過d花花, 真係好似有d對佢地唔住咁, 不過佢地冇怪我, 仲開心結果添, 可能知我轉咗老細, 開嚟氹吓我

 

 

新的一天

我老闆聽日 last day, 而新老闆今日第一日返工, 由於之前大老問話佢只係做 HR的, 有關 Admin / Purchase / IT 都冇咩點做. 心唸今次仲唔 big pan

今日新老闆返到嚟, 唉 !!! 原來佢所謂 HR 都唔係全部, 佢只做 recruitment & training , 仲要最憎係做 payroll, 電腦又話係白痴, 雖然佢個人睇落都幾 nice, 但如果佢咩都唔做要我做晒我就真係死俾佢睇

落大雨嘅星期天

今朝瞓醒, 仲係落緊雨. 唉!!!又晒唔到衫

好彩到四點幾鍾, 個天光返d, 有返dd陽光, 阿四號就開工幫我整花架, 而我呢, 督工之餘就梗係幫d花花影返張沙龍照啦, hahaha

已經成熟變咗紅色嘅辣椒

今日至開嘅泰國薑荷花

兩菖未開嘅朱頂

開得好靚嘅龍吐珠

仲有我嘅金不換, 檸檬香蜂草, 香花菜同雪茄花

至於呢棵, 其實我都唔知佢係咩, 我見佢生得幾好樣, 就等佢繼續生啦, 希望佢開出靚靚嘅花啦

呢個係近鏡, 唔知有冇blog友知佢係咩呢 ?

至於黃蟬度果粒嘢, 唔知係唔係果實呢 ? 好期待啊 !

 

放假日 = 購物日

星期四下午攞咗半日假, 心唸落雨落到倒水咁真係邊到到唔使去了, 不過個天對我又幾好喎, 下午冇咩落雨, 3 4 點仲有d太陽令我整個下午都好充實

首先我約咗 blog 友俾球朱頂佢, 跟住就去攞我兩個好靚嘅和風小手袋

阿四和我都覺得黃色好青春同夏日 feel

紫色呢個就比較冬天同 elegant

不過我就梗係兩個都鍾意啦, 係到要多謝校長幫我整得咁靚啊

我地跟住就去咗行街, 原本想買對短筒嘅水鞋, 不過睇得啱嘅好貴, 唔捨得成$700買對水鞋, 最後買咗對普通嘢, 雖然係普通嘢, 都要三百幾蚊, 不過個色我都幾鍾意, 落雨日子見到 d colorful 嘅嘢, 人都開心d啦, 咁就算啦 !

繼續發傻買冷

之前未有貨的的線線响上星期五已經攞到手了, 好鍾意隻白色, 好似電咗頭髮咁"lu"埋一齊, 好搞笑

至於呢隻粉紅色日本bb冷, 好軟熟, 粉紅得嚟又唔太娘, 咁就呃咗我帶佢返屋企了

呢論成日落雨, 冇去整理d花, d衫嘅起貨速度又唔覺快咗去邊, 真激死