2013年7月高雄之旅-Day 5

今日返香港了, 不過係夜機, 所以仲有成日玩, 食完早餐先退房
再去新崛江果邊行吓蕩吓街, 好彩有D商場仔, 唔係咁嘅天都唔知點算
蕩飽又去醫肚, 今轉去咗食好住家FEEL的燒餅和面

之後再去三多商圈果邊, 都係行吓百貨公司避暑安全D, 之後梗係醫肚啦

今次食越南嘢

之後返酒店攞行理去機場, 正式結束今次高雄之旅了

2013年7月高雄之旅-Day 4

原本今日去莪大世界, 但天氣實在太焗, 成日落吓雨又出太陽咁, 所以改去澄清湖睇熱氣球嘉年華

不過唔知係因為台風關係定真係太流, 同想像真係出入好大, 連個氣球影都見唔到呀

不過澄清湖自己本身都OK的, 不過天氣真的令人太辛苦了

之後去咗工科館睇變形金剛展

睇完展覽, 又要醫肚

之後梗係返酒店HEA陣先啦, HEA飽又去食過, 不過個天好嚇人

唔理, 照去牛老大打邊爐

打完邊邊原先想响附近行陣, 不過頂唔順, 去六合買咗胡椒餅, 串燒同木瓜奶返酒店再食過

2013年7月高雄之旅-Day 3

今日會返出高雄, 先响民宿食個早餐

跟住海爸車我同4號環島遊, 海天一色, 超靚

講吓講吓, 最後去浮多次, 不過今日明顯比昨天大風大浪, 教練1拖2, 但海水明顯無昨天咁清, 水流亦急好多, 最後玩咗一陣就走了, 不過好彩都見到1隻綠海龜, 跟住就出返東港碼頭醫肚, 食咗個面同南瓜粥

等車途中, 見有櫻花蝦雪條, 未試過, 又買嚟試吓

返到酒店散晒咁, 梗係沖個涼抖吓先啦

之後去咗瑞豐掃街, 不過真係好鬼多人, 根本同行花巿差唔多, 又熱又多人, 所以只係掃咗幾款嘢食咋
我家阿4點會咁快滿足, 所以同佢去咗食燒蠔同燒蜆
其實幾肥美, 不過我地覺得鹹咗D

佢地介紹咗個冰鎮脆卷, 原來係尤魚筒, 入面的唔知係咩嚟, 不過幾得恴的

之後去六合夜巿買杯木瓜奶, 好滿足了

2013年7月高雄之旅-Day 2

今朝食咗早餐, 就出發去小琉球, 因為台風蘇力吹到正台灣, 都有擔心去到小琉球會橫風橫雨, 不過勇字當頭, 照去啦

入到去, 好有長洲FEEL, 好好陽光, 民宿主人話小琉球未受影响, 可以去玩

民宿好家庭FEEL的, 同期入住的只得我同4號係香港人, 其他的都係台灣學生

今次主要想去浮潛, 請海爸安排, 佢女兒仲開機車送我地去, 第一次坐, 原來好刺激的
今次浮潛, 除咗見到好多唔知咩魚(我淨識小丑魚和神仙魚), 仲見到3雙綠海龜, 2大1小, 可惜我地無相機影唔到

浮潛後, 再去另一海邊睇潮澗帶, 即係响海邊搵海洋生物

我地今次都搵到好多嘢, 海胆, 海參, 海星, 琶琵蝦等都有啊

玩完之後就去食晚餐, 我地食咗阿對嘅郁魚蓋飯, 鬼頭刀魚干炒飯, 仲有涼拌海藻, 海爸話呢種海草係呢度特產, 不過真係好好食的

食飽四圍行下, 見一間手工PIZZA, 又買咗返民宿做宵夜, 不過後來掛住食無影相添
返民宿休息一陣後, 我地就去海灘睇星星了, 途中仲同到螢火蟲好, 不過星星就唔係太多, 不過對比香港就已經好多了, 海爸話係台風影响, 太多雲睇唔清, 好彩睇到2粒流星咁大把, 好過無啦